以前背痛一發生，我的活動和情緒就會受到影響。例如會刻意慢慢就住行，撐著吾出聲扮冇野，好似日日比警察收「坨地」咁，硬食！士氣又點會高。
有一日個盆骨又痛，我特然間感到好鬼煩，好想搞對抗，心想：「剛剛先好番，又黎過？！係咪玩野先！」玩到我走投無路，係人都反抗啦。士氣不跌反升，心中叫喊：「都係得咁痛唧！有本事就過黎，我等你！」
冇再遷就背痛，反而情況有大大改善，當然冇咁神奇會特然冇晒痛楚，但如果你能保持住穩定情緒和士氣的話，身體就像收到反擊指令，作出反應，我的情況可以痛少90%。生活質素大大提升。
在逆境時，士氣真的很重要，亦是取勝的關健。當然人的心情不會像開關掣，不會別人聲控幾聲：「吾好放棄」「要 keep 住士氣吾好跌」就開咗你腦裏面個燈泡。每人都需要為自己打打氣，只要不放棄，生機自然會出現。
對多月來的背痛已經習慣，重覺得好鬼煩，反而引起我的鬥心，天意呀！
2005-08-09
.................................................................................[有0篇回應] . [我想回應] . [閱讀回應]
